Pilkheitä

Viimisiä viehään

23.8.2012 06:00 Sini Autto

Mistäpä muusta sitä tällälaila syksyn kynnyksellä ossaa puhua ja kirjottaa ko siittä, että mitenkä nopeasti tämä kesä taasen menikhään. Puhuvat muutki, että nopeampaa se on tämä kesä menny ko viime vuona. Ehkä se on ollu tämän ilman vika. Huomanu oikein että se vielä alkokhaan.
Tuntuu, että vastahan mie lähin koulusta onnellisena kesälomanviethoon ja nytten jo lähethään takasin? Vasta tehtiin kasvimaaistutuksia ja muita kesähommia.
Tänhään vein jo ekkaa kertaa pipon päähän ja villasukat jalkhaan ko lähin pihale puita lappamhaan talven varale. Ulkona on yölä ihan pilkkopimeää ja saapi pelätä panneeko pakkanen kaikki pihan marjat. Kesän aikana on pääki tyhjennetty kaikenmaailman pilkeideoista ja jutuntyngistä.
Vastahan mie lampsin onnellisena viimisestä tentistä ja mietin, että koko kesänä ei tartte kirjoja kohti kattoakhaan! No kohta se vain on seki taasen eessä. Kesän aikana pölyttynheet kirjat ja penaalit häätyy kaivaa kaapista ja lompsia koulua kohti.
Saa nähä miten sitä taasen tottuu siihen ”suuhreen maailhmaan”, ko on saanu viettää koko kesän täälä rauhassa tuttujen ympäröimänä. Hetken se tietenki vaatii taasen totuttelua. Säikähtää taasen ko mennee kauphaan saati neljän ruuhkhaan.
Mahtavia muistoja on taasen saanu kesän aikana niin töissä ko niitten ulkopuolelaki. Kavereitten kanski on ollu kesälä niin kivvaa, että varmasti ikävä tullee ko pois häätyy lähteä.
Kyllä tämä matkalaukkuelämä kuitenki vähäksi aikaa taasen piisaa. Kesän aikana on vaatheet ja muutki kampheet ollu niin hujan hajan missä sattuu, että omat vaatekaapit tuntuu aika luksukselta. Oma koti ja oma rauha, tuohan se syksy mukaviaki asioita.
Mie häyn taas kiittää kaikkia jotka on minun haastateltavaksi suostunheet ja niitä jotka on juttujaki lukenheet. Kiitos työkavereile, mukava on taasen ollu täälä töitä tehä.
Mukava on ollu myös kiertää ympäri kuntaa. Mie alan jo tuntemhaan näitä Ylitornion kyliäki niin paljon paremin ko muutama vuosi sitte. Erhäänlaista maakuntamatkailua tämä haastattelujen kiertäminen!
Nyt on kuitenki kamera pakattu laukhuun ja lehtiö kääritty rullale. Laukut on nostettu takakonthiin ja auton nokka käännetty kohti etelää. Suunta kohti uutta kouluvuotta ja uusia seikkailuja.
Ehkä mekki kuitenki kuulhaan vielä!

Jaa uutinen:  

 
Viimeisimmät Pilkheet
Hae uutisista ja sivustolta
Ilmoitukset
pallonkorjuubn
 
Meän Tornionlaakso
Alkkulanraitti 48
95600 Ylitornio
Puh: 020 743 3210
ylitornio(@)tornionlaakso.net
Asiakaspalvelu:
Tilaukset
Osoitteenmuutos
Palaute
Uutiskirje
Yhteystiedot
Tavathan
Facebookissa:
Grafu Oy


Alkkulanraitti 48
95600 Ylitornio
Puh: 020 743 3210
ylitornio(@)tornionlaakso.net