Hoon paikka ja puhheen poljento tärkeitä

30.5.2013 06:00 Kaisu Määttä

”Voisikssie lukea meile vielä jonku saagan?” pyysi Anni Korpi Oiva Arvolalta. Ja kyllähän Oiva sen teki, vaikka sanoikin, että ei muista saagojaan ulkoa, niitä on niin paljon.

PEKANPÄÄ – Jo vain soli mielenkiintonen koulutus tuola Pekanpäässä, Tyynelässä. Sielä oli paikala vaikka ketä, Oiva Arvolasta ja Lanko-Pekasta alkaen, ja sielä praatathiin murtheela, oikein niinko opiskelthiin tätä meän murretta. Ja puhuthiin siittäki, onko tämä murre vaiko kieli.
En mie uskaltas tätä juttua yrittää murtheela kirjottaakhaan muuten, muttako se Kentän Hannele sano, että tämä meän peräpohjalainen murre on pikkusen erilainen joka kylälä – ja siittä huolimatta tämä murre on sama, meän oma murre tai kieli. Ja jos Hannele, joka on toimittaja, kääntäjä, tulkki ja opettaja, sannoo nuin, niin kyllä mie voin sitä uskoa.
– Murre on hirveän henkilökohtanen asia. Tällä puolen se on murre, toisela puolen se on meän kieli. Ja murre vaihtelee joka kylälä, mie itte puhun vojakkallaa. Mulle tämä peräpohjolan murre on kotipaikka maailmassa, Hannele sano.
Tärkein yhistävä tekijä meän murtheessa tai meän kielessä, asuima met sitte Ylitorniolla, Pellossa, Kolarissa, Vojakkalassa tai vielä vähän etelämpänä Torniossa tai Kemissä asti, on se ”hoo”, jota ei kuitenkhaan panna aivan joka sanhaan – eikä koko aluheela samhaan paikhaan vaan seki vaihtelee.
– Ei ole oikeaa tappaa, mihin hoo pitäs panna. Voipii sanoa ”herhneen” tai ”hernheen” tai sitte ”ittenhäiseksi” tai ”ittehnäiseksi”. Molemat on oikein, Hannele selitti.
Niin että sittekko joku vettää herhneen nokhaan tästäki jutusta – ko mulla on kuitekki joku sana tullu väärin, tai sillä tavala niinko mie itte olen meän kylälä sen oppinu – niin saapi aivan rauhassa sanoa niin. Tai sitte vaikka että hernheen… Tai pahimassa taphauksessa vaikka sitte tukehtukhoon siihen herhneesseen…

Lue lisää Tornionlaakson sivulta 13.

Jaa uutinen:  

 
Viimeisimmät paikallisuutiset
Hae uutisista ja sivustolta
Ilmoitukset
Raitti 300x250
 
Meän Tornionlaakso
Alkkulanraitti 48
95600 Ylitornio
Puh: 020 743 3210
ylitornio(@)tornionlaakso.net
Asiakaspalvelu:
Tilaukset
Osoitteenmuutos
Palaute
Uutiskirje
Yhteystiedot
Tavathan
Facebookissa:
Grafu Oy


Alkkulanraitti 48
95600 Ylitornio
Puh: 020 743 3210
ylitornio(@)tornionlaakso.net